బాబు, లోకేష్‌లపై ఎమ్మెల్యే రోజా ఫైర్

విజయవాడ: ఆంధ్రప్రదేశ్ ముఖ్యమంత్రి, తెలుగుదేశం పార్టీ అధినేత చంద్రబాబునాయుడు, మంత్రి లోకేష్‌పై వైయస్సార్ కాంగ్రెస్ పార్టీ ఎమ్మెల్యే రోజా తీవ్రస్థాయిలో ధ్వజమత్తారు. చంద్రబాబునాయుడు ఏ ఎన్నికల హామీని నెరవేర్చలేదని మండిపడ్డారు.

రాష్ట్రంలో రైతులు, ప్రజలు తీవ్రమైన నీటి కష్టాలు ఎదుర్కొంటున్నారని అన్నారు. లోకేష్ తండ్రి చంద్రబాబు సొంత నియోజకవర్గం కుప్పంలోనూ, మామ బాలకృష్ణ సొంత నియోజకవర్గం హిందూపురంలోనూ ప్రజలు తీవ్రమైన నీటి కష్టాలను పడుతున్నారని రోజా అన్నారు.

వైయస్సార్ కాంగ్రెస్ అధినేత వైయస్ జగన్మోహన్ రెడ్డిపై అవాకులు చెవాకులు పేలుతున్నారంటూ లోకేష్‌పై ఆగ్రహం వ్యక్తం చేశారు. కరువుతో అల్లాడుతున్న అనంతపురంలో చంద్రబాబునాయుడు పుట్టిన రోజు వేడుకలు చేసుకుంటారా? అని నిలదీశారు.

సోషల్ మీడియాలో ప్రభుత్వంపై విమర్శిస్తే కేసులు పెడుతున్నారని ఆరోపించిన రోజా.. ఏ కేసులేమైనా పెడితే అవి లోకేష్ పైనే పెట్టాలని రోజా అన్నారు. చంద్రబాబు మూడేళ్ల పాలనలో రాష్ట్రానికి కరువు ఇచ్చారంటూ ఎద్దేవా చేశారు.

ఇంటికో ఉద్యోగమని హామినిచ్చిన చంద్రబాబునాయుడు తన ఇంట్లో మాత్రం ఉద్యోగమిచ్చుకున్నారని చురకంటించారు. వర్ధంతికి జయంతికి తేడా తెలియని లోకేష్‌కు మంత్రి పదవి ఇచ్చారంటూ రోజా ఎద్దేవా చేశారు.

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top