పొలిటికల్ పంచ్ రవికిరణ్ ఇంటూరి అరెస్ట్

ఆంధ్రప్రదేశ్ శాసనమండలి (పెద్దల సభ)పై మార్ఫింగ్ చిత్రాలతో అసభ్యంగా ఫొటోలు సోషల్ మీడియాలో పెడుతున్నారని ఆరోపణలు ఎదుర్కొంటున్న ‘పొలిటికల్ పంచ్’ ఫేస్ బుక్ పేజీ నిర్వహకుడు రవి కిరణ్ ఇంటూరిని గుంటూరు పోలీసులు అర్థరాత్రి అరెస్టు చేశారు. ఏపీ అసెంబ్లీ కార్యదర్శి ఫిర్యాదు మేరకు రవి కిరణ్ ను అదుపులోకి తీసుకున్నట్లు గుంటూరు జిల్లా ఎస్పీ నారాయణ్ నాయక్ మీడియాతో చెప్పారు.

ఏమిటీ ‘పొలిటిక్ పంచ్’:

సామాజిక మాధ్యమం ఫేస్ బుక్ లో రవి కిరణ్ ఇంటూరి గత కొంతకాలంగా ‘పొలిటికల్ పంచ్’ అనే పేజీ నిర్వహిస్తున్నాడు. ఏపీ సీఎం చంద్రబాబు, ఆయన తనయుడు లోకేష్, వైసీపీ అధినేత జగన్, తెలంగాణ సీఎం కేసీఆర్ లు పలు సందర్భాల్లో చేసిన వ్యాఖ్యలపై సెటెర్లు వేయడం ఈ పేజీ ముఖ్య ఉద్దేశ్యంగా కనిపిస్తోంది.

మరీ ముఖ్యంగా ఇటీవలి కాలంలో కొత్తగా మంత్రి పదవి చేపట్టిన లోకేష్ చేసిన వ్యాఖ్యలపై సోషల్ మీడియాలో విమర్శలు వెల్లువెత్తాయి. అంబేద్కర్ జయంతి నాడు వర్ధంతి.. అంటూ..పైగా వర్ధంతి శుభాకాంక్షలు చెప్పడం లోకేష్ పై సోషల్ మీడియా యాక్టివిస్టులు విరుచుకుపడ్డారు. ఇలాంటి సంఘటనలనే పొలిటికల్ పంచ్ హైలైట్ చేసింది.

ఆ మధ్య టీడీపీ ఎమ్మెల్యే జలీల్ ఖాన్ బీకామ్ లో ఫిజిక్స్ సబ్జెక్టు ఉందని నవ్వులపాలయ్యారు. ఈయనపై కూడా రవికిరణ్ సెటైర్లు వేశాడు.

వీటితో పాటు తాజాగా ఆంధ్రప్రదేశ్ శాసనమండలి ఫొటోలను మార్ఫింగ్ చేసి.. వాటికింద అసభ్యకరమైన మరో ఫొటో పెట్టి..దానికింద ‘పెద్దలకు మాత్రమే’ అంటూ పొలిటికల్ పంచ్ పేజీలో పోస్ట్ చేశారు. దీంతో టీడీపీ నేతలు అసెంబ్లీ కార్యదర్శికి ఫిర్యాదు చేశారు. అసెంబ్లీ కార్యదర్శి పోలీసులకు కంప్లైంట్ చేయడంతో శంషాబాద్ లో ఉంటన్న పొలిటికల్ పంచ్ అడ్మిన్ రవి కిరణ్ ను గుంటూరు పోలీసులు అరెస్టు చేశారు.

అతనిపై సెక్షన్ 67 ఐటీ యాక్ట్, ఐపీసీ 299 సెక్షన్ల కింద కేసులు నమోదు చేసినట్లు గుంటూరు ఎస్పీ తెలిపారు.

ఇదిలా ఉండగా.. తన భర్త రవికిరణ్ ను అక్రమంగా అరెస్టు చేశారని ఆయన భార్య సుజన శంషాబాద్ పోలీసులకు ఫిర్యాదు చేసింది.

లోకేష్ పై సోషల్ మీడియాలో వస్తున్న సెటైర్లకు ఎలా ఫుల్ స్టాప్ పెట్టాలోనని యోచిస్తున్న టీడీపీ నేతలకు, ఏసీ శాసనమండలిని ‘పొలిటికల్ పంచ్’ అసభ్యంగా చిత్రీకరించడం ఆయుధంగా దొరికింది. దీంతో ఇతరులు కూడా ఎలాంటి కామెంట్లు చేసినా అరెస్టు, జైలు శిక్ష తప్పదనే హెచ్చరికతో ప్రభుత్వంతో రవి కిరణ్ ను అరెస్టు చేయించినట్లు కనిపిస్తోంది.

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top