పరువు హత్య.. ప్రేమించిందని కూతుర్నే ఉరేశారు

తాము ఎంతగా చెప్పినా వినిపించుకోకుండా ప్రేమించి వ్యక్తినే పెళ్లిచేసుకుంటానని పట్టుబడిన తమ కుమార్తెనే తల్లిదండ్రులు హత్య చేశారు. తెలంగాణలోని ఖమ్మం జిల్లాలో చోటుచేసుకున్న ఈ ఘటన ఆలస్యంగా వెలుగుచూసింది. కుమార్తెను హత్యచేసి, దాన్ని ఆత్మహత్యగా చిత్రీకరించారు. దీనిపై కేసు నమోదుచేసిన పోలీసులు, దర్యాప్తు చేపట్టి అసలు నిజాన్ని నిగ్గుతేల్చారు. పోలీసులు తెలిపిన వివరాల ప్రకారం.. వేంసూరు మండలం దుద్దేపూడి గ్రామానికి చెందిన దీపిక (19), జుంజునూరు వెంటేశ్వరరావులు ఏడాదిగా ప్రేమలో ఉన్నారు. ఈ విషయం తెలిసిన దీపిక అమ్మానాన్నలు ఆమెను వారించారు. అతడికి దూరంగా ఉండాలని కుమార్తెను పలుమార్లు హెచ్చరించారు. అయినా సరే దీపిక మాత్రం వారి బెదిరింపులకు లొంగలేదు. వెంకటేశ్వరరావునే వివాహం చేసుకుంటానని ఆమె పట్టుబట్టింది. ఎంతగా నచ్చజెప్పినా వినిపించుకోవడంలేదని కుటుంబసభ్యులే ఆమెను ఉరేసి హత్య చేశారు.

ఈ ఘటన జూన 7 న చోటుచేసుకుంది. దీపిక అనుమానాస్పద స్థితిలో మృతి చెందడంతో ఈ విషయం పోలీసులకు చేరింది. పురుగుమందు తాగి ఆత్మహత్యకు పాల్పడిందని కుటుంబ సభ్యులు చెప్పడంతో పోలీసులు కేసు నమోదు చేశారు. కేసు దర్యాప్తు చేపట్టిన పోలీసులు వాస్తవాలను వెలుగులోకి తెచ్చారు. కుమార్తె ప్రేమ వ్యవహారం ఇష్టంలేని తల్లిదండ్రులే ఆమెను హత్యచేసినట్టు నిర్ధరించారు. తల్లి లక్ష్మీ, తండ్రి రాంబాబు, నాయనమ్మ చిట్టెమ్మ కలిసి జూన్ 7 దీపికను చున్నీతో ఉరేసి హతమార్చినట్టు తేలింది. అనంతరం అమె పురుగుల మందు తాగి ఆత్మహత్యకు పాల్పడినట్టు చిత్రీకరించారు. నిందితులు తమ నేరాన్ని అంగీకరించడంతో వారిని గురువారం అరెస్టు చేసి రిమాండ్‌కు పంపారు.

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top