ఏ వయసులో ​పెళ్లి చేసుకుంటే బెటర్?

దాంపత్య జీవితం ఆనందమయం కావడానికి పెళ్లి చేసుకునే వయసు కూడా ముఖ్యమైనదే. శారీరక, మానసిక పరిణితి లేని దశలో పెళ్లి చేసుకోవడం అనర్థదాయకమని అందరికీ తెలిసిందే. అందుకే మైనర్లకు వివాహాలను చాలా దేశాల ప్రభుత్వాలే నిషేధించేశాయి. మరి చిన్నవయసులో పెళ్లి చేసుకోకూడదు.. అలాగని వయసు మీద పడ్డాకా చేసుకున్నా.. శారీరక మానసిక సమస్యలు తప్పవు! ఇంతకీ పెళ్లికి సరైన వయసేది? అనే అంశం పెద్ద సందేహమే. అందుకే ఈ అంశంపై పరిశోధన చేసింది యూనివర్సిటీ ఆఫ్ ఉత్హా.

దాంపత్య జీవితం ఆనందమయం కావడానికి, బంధం సుధీర్ఘ కాలం సాగడానికి.. 28 నుంచి 32 యేళ్ల మధ్య వయసులో పెళ్లి చేసుకోవడం మంచిది అని ఈ వర్సిటీ పరిశోధకులు చెబుతున్నారు. ఎన్నో జంటల వైవాహిక జీవితం పై పరిశోధన చేసి 28 - 32 యేళ్ల మధ్య వయసును పెళ్లికి ఉత్తమమైనదిగా నిర్ధారించారు పరిశోధకులు. ఈ వయసులో ఉండగా పెళ్లిళ్లు చేసుకున్న వాళ్ల మధ్య విబేధాలు వచ్చే అవకాశాలు తక్కువ అని ఉత్హా వర్సిటీ అధ్యయనకర్తలు పేర్కొన్నారు.

ప్రపంచ వ్యాప్తంగా ఎన్నో జంటలకు సంబంధించిన డాటాను పరిశీలించి చూడగా.. ఈ వయసులో ఉండగా పెళ్లి చేసుకున్న వారు విడాకులు తీసుకున్నది చాలా తక్కువ శాతం అని అధ్యయనంలో పేర్కొన్నారు. 32 దాటాకా పెళ్లి చేసుకున్న వారిలో విడాకులు తీసుకోవడం అధికంగా ఉందని వీరు గణాంక సహితంగా పేర్కొన్నారు.

అయితే తమ అధ్యయనం పూర్తిగా గణాంకాల ఆధారం అని.. కచ్చితంగా అదే వయసులో పెళ్లి చేసుకోవాలని కాదు, అర్లీ ట్వంటీస్ లో పెళ్లి చేసుకుని హ్యాపీగా వైవాహిక జీవితాన్ని సాగించే వాళ్లు కూడా లెక్కలేనంతమంది ఉన్నారని పరిశోధకులు వివరించారు. గణాంకాల ప్రకారం మాత్రం 28-32 మధ్యన పెళ్లి ఉత్తమం అని పేర్కొన్నారు.

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top