ఆడా, మగలో సెక్స్ థాట్స్ రోజుకెన్నిసార్లు?

మగవాళ్లు ఎప్పుడూ సెక్స్ ధ్యాసలోనే ఉంటారు.. అనేది పెద్ద అపోహ. ఇది వరకూ మగాళ్లు ప్రతి ఏడు నిమిషాలకూ ఒక సారి శృంగారాలోచన చేస్తారని ఒక అధ్యయనంలో పేర్కొన్నారు. దానికి పెద్ద ఎత్తున ప్రచారం వచ్చింది కూడా. అయితే అది అబద్ధం, వాస్తవదూరం అని.. అనేక అధ్యయనాలు ఖండించాయి. సగటున ప్రతి ఏడు నిమిషాలకూ ఒకసారి అలాంటి ఆలోచనలు వస్తుంటే.. రోజుకు కొన్ని వందల సార్లు సెక్స్ గురించిన ఆలోచనలే మగాళ్లలో ఉండాలి. అయితే.. అలాంటిదేమీ లేదని మరికొన్ని అధ్యయనాలు చెబుతున్నాయి.

ఈ క్రమంలో అమెరికన్ యువతీ, యువకుల మీద జరిగిన ఒక అధ్యయనం ఆసక్తిని రేపుతోంది. 18 నుంచి 25 యేళ్ల వయసు మధ్య ఉన్న కొంతమంది యువతీయువకులను ఎంచుకుని.. వారిని సర్వేలో భాగం చేస్తూ.. ఈ అధ్యయనం చేశారట. అధ్యయనకర్తలు వాళ్లకు ఏం చెప్పారంటే.. ఒక రోజులో మీకు ఎన్ని సార్లు సెక్స్ గురించి ఆలోచనలు వస్తాయో నోట్ చేయమన్నారు. క్రమం తప్పకుండా లిస్ట్ చేయాలని, ఇలా వారం రోజుల పాటు చేయాలని అధ్యయనకర్తలు సూచించారు.

మరి ఈ అధ్యయనంలో పాల్గొన్న ఔత్సాహికులు చెప్పిన దాని ప్రకారం.. సగటున అమ్మాయిలు, అబ్బాయిలు ఎన్ని సార్లు సెక్స్ గురించిన ఆలోచనలు చేస్తారో ఒక అంచనాకు వచ్చారు అధ్యయనకర్తలు. ఈ స్టడీ ప్రకారం.. మగవాళ్లు రోజుకు సగటున 34 సార్లు సెక్స్ గురించి ఆలోచిస్తారు. అదే అమ్మాయిల విషయానికి వస్తే వాళ్లను ఒక రోజులో సగటును 18 సార్లు సెక్సీ థాట్స్ పలకరిస్తాయని తేలింది!

కొన్ని వందల మంది అమ్మాయిలు, అబ్బాయిల మీద వారం రోజుల వ్యవధితో జరిపిన స్టడీ ఇది అని.. ఇది వాస్తవ పరిస్థితికి దర్పణం అని అధ్యయనకర్తలు చెబుతున్నారు.

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top