పెళ్లయ్యాక కూడా చూడటం మానలేకున్నా..?

ప్రశ్న: గత కొంతకాలంగా నేను పోర్న్ వీడియోలు చూస్తూ వాటికి బానిసయ్యాను. ఇటీవల నా గర్ల్‌ఫ్రెండ్‌తో నాకు వివాహమైంది. దీంతో ఆ వీడియోలు చూసేందుకు ఇంట్లో నాకు అవకాశం చిక్కడం లేదు. క్రమంగా నాలో తెలియని ఆందోళన, ఒత్తిడి పెరుగుతుండటంతో చేసేదిలేక ఫోన్ తీసుకెళ్లి బాత్రూమ్‌లో ఆ వీడియోలను చూస్తున్నాను. ఈ ప్రవర్తనని నా భార్య ఇప్పుడు అనుమానించడం మొదలెట్టింది. నేను తనని అమితంగా ప్రేమిస్తున్నాను. కానీ.. నా ఈ అలవాటు మా మధ్య దూరం పెంచుతుందేమోనని భయం వేస్తోంది. నన్ను ఏం చేయమంటారు..? ఈ అలవాటు మానుకునేదెలా..? దయచేసి సలహా ఇవ్వండి.- పేరు రాయలేదు.

జవాబు: పోర్న్ వీడియోలకి బానిసయ్యానని మీరే ఒప్పుకున్నారు. వాస్తవంగా చెప్పాలంటే.. మన ప్రవర్తన, కోపం కంటే ఒక పనిని వద్దనుకుంటూనే మళ్లీ మళ్లీ చేయాలనిపించే అలవాటే ఎక్కువ హాని చేస్తుంది. బ్యాచిలర్‌గా ఉన్నప్పుడు ఇదో పెద్ద సమస్యగా మీరు భావించి ఉండకపోవచ్చు. కానీ.. మీతో పాటు ఒకరు ఉండటంతో ఇప్పుడు ఇదే సీరియస్‌గా మారిపోయింది. పోర్న్ వీడియోలను ఒక పరిమితి మేరకు చూస్తే ఎలాంటి ప్రమాదం ఉండదు. ఈ విషయాన్ని మీ భార్యతో కూడా చెప్పాల్సిన అవసరం లేదు. కానీ.. వాటికి బానిసైపోయి.. మీ దంపతుల మధ్య సమస్యలు తలెత్తిన సమయంలో మాత్రం ఆమెకి నిజాలు చెప్పాల్సి ఉంటుంది. సాధారణంగా ఇలా పోర్న్ వీడియోలకి అభద్రతా భావం, సెక్స్‌ పట్ల ఇంట్రస్ట్ లేకపోవడం, సెక్స్‌ పట్ల మీ భాగస్వామిపై ఎక్కువ అంచనాలు పెంచుకోవడం, ఒత్తిడి నుంచి బయట పడేందుకు తదితర అంశాల కారణంగా అలవాటు పడుతుంటారు. పోర్న్ వీడియోలు చూడాలనే ఆలోచన నుంచి మీరు బయటపడాలంటే సాధ్యమైనంత ఎక్కువగా పనితో బిజీగా ఉండేందుకు ప్రయత్నించండి. మీ భార్యతో సరదాగా మాట్లాడండి. అప్పటికీ మీ ఆలోచనలు నియంత్రణలోకి రాకపోతే.. మెంటల్ హెల్త్ ప్రొఫెషనల్‌ని కలిసి సలహా తీసుకోండి.

సలహా ఇచ్చిన వారు శ్వేత, సైకియాట్రి, యు.కె

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top