నాకు ఇంట్లో దొరకని ప్రేమ అక్కడ దొరుకుతుంది

నాకు పెళ్లి అయి చాలా సంవత్సరాలు అయ్యింది. నాకు కూతురు ఉంది. నేను ఒక ఎంఎన్ సీ కంపెనీలో పని చేస్తున్నాను. పెళ్లి అయినప్పటి నుంచి నా భర్తపై నాకు అంతగా ఇష్టం లేదు. నన్ను అతను ఏ విషయంలోనూ సంతృప్తి పరచడం లేదు. నాపై ప్రేమ చూపడు.

లైంగికంగా ఆనందం లేదు లైంగికంగా కూడా నన్ను అంతగా ఆనందపరచడు. కానీ మా ఇద్దరికీ పాప ఉండడం వల్ల నేను అతనితో కాపురం చేస్తున్నాను. నాకోసం తను ఇబ్బందిపడకూడదనే కారణంతోనే నాకు అతనితో జీవితం కొనసాగించడం ఇష్టం లేకున్నా అలాగే సంసారం చేస్తున్నా.

మా ఆఫీసులో నాతో పాటు పని చేసే ఒక వ్యక్తి విషయంలో నేను ఆకర్షణకు లోనవుతున్నాను. అతనికి పెళ్లయింది. ఇద్దరు పిల్లలున్నారు. అతని భార్య కూడా చాలా బాగుంటుంది. అయితే ఆఫీసులో నేను అతను కలిసి రోజూ పని చేయడం వల్ల ఇద్దరి మధ్య మంచి స్నేహం ఏర్పడింది. అతను నాతో చాలా బాగా మాట్లాడుతాడు. నాతో చాలా ప్రేమగా మెలుగుతాడు.

నన్ను ప్రత్యేకంగా ట్రీట్ చేస్తాడు. చాలా హ్యాండ్ సమ్ గా ఉంటాడు. నేను ఆఫీసులో వర్క్ పరంగా ఏదైనా తప్పు చేసినా నాకే సపోర్ట్ ఇస్తాడు. అందువల్ల అతను నాకు చాలా బాగా నచ్చుతున్నాడు. నన్ను నేను కంట్రోల్ చేసుకోలేకపోతున్నా. నాకు ఎక్కడ దొరకని ప్రేమ అతని వల్ల రోజూ ఆఫీసులో దొరుకుతుంది.

రోజూ ఇద్దరం మధ్యాహ్నం కలిసే భోజనం చేస్తాం. నేను అతని కోసమే ప్రత్యేకంగా వంటలు తయారు చేసి తీసుకెళ్తుంటా. కాస్త రుచి చూడమంటూ కొసిరికొసిరి అతనికి వడ్డిస్తా. అతను తిన్న తర్వాత నన్ను పొగడ్తలతో ముంచెత్తుతాడు.

రోజురోజుకు అతనిపై నాకు మోజు పెరుగుతుంది. అతనితో ఒక్కసారైనా గడపాలని కోరిక కలుగుతూ ఉంటుంది. కానీ ఈ ఆలోచనే తప్పని నా మనస్సు నన్ను హెచ్చరిస్తూ ఉంటుంది. తనని చూస్తే మాత్రం నా కోరికను ఆపుకోలేకపోతున్నా. ఏం చేయాలో నాకు అర్థం కావడం లేదు.

యువతి అడిగిన ప్రశ్నకు.. సైకాలజిస్ట్ సమాధానం

ఆఫీస్ లో చాలామంది కోలిగ్స్ ప్రేమలో పడుతుంటారు. అంతేకాకుండా వారితో శృంగారంలో పాల్గొనాలని కోరుకుంటూ ఉంటారు. ఎందుకంటే చాలా ఆఫీసుల్లో కోలిగ్స్ మధ్య మంచి వాతావరణం ఉంటుంది. రోజూ ఒకరితో ఒకరు ఆఫీసుకు సంబంధించి చాలా విషయాలు మాట్లాడుకుంటూ ఉంటారు.

ఇంటికన్నా ఎక్కువ సేపు ఆఫీసుల్లో ఉండడం వల్ల సహోద్యోగులతో చాలా సన్నిహిత సంబంధాలు ఏర్పడుతుంటాయి. ఇది సహజమే. ఒకవేళ పెళ్లికాని వారు అయితే ఇద్దరి మధ్య ఉన్న ఏర్పడ్డ ప్రేమ వల్ల పెళ్లి చేసుకోవడానికి అవకాశం ఉంటుంది.

ఇద్దరు పరస్పరం ప్రేమించుకుని పెళ్లి చేసుకోవడం అనేది మంచి విషయమే. కానీ వివాహం అయిన వ్యక్తులు కోలిగ్స్ తో ప్రేమలో పడడమే చాలా ప్రమాదకరం. దీంతో జీవితాలు నాశనం అవుతాయి. ప్రస్తుతం మీరు అదే స్థితిలో ఉన్నారు.

ఇక్కడ మీరిద్దరికీ వివాహాలయ్యాయి. అతను ఉద్యోగరీత్యా మీతో సన్నితంగా ఉంటున్నాడు. దాన్ని మీరు అపార్థం చేసుకుని ముందుకెళ్తే మీ వైవాహిక జీవితం దెబ్బతింటుంది. మీ ప్రేమను అతను కూడా అంగీకరించి మీరిద్దరూ లైంగికంగా కలిస్తే ఇద్దరి వైవాహిక జీవితాలు దెబ్బతింటాయి.

అతని నమ్ముకున్న అతని భార్య, మిమ్మల్ని నమ్ముకున్న మీ భర్తను మీరు మోసం చేసినట్లవుతుంది. ఈ విషయం మీకు తప్పని తెలిసినా నేను కోరికలను నియంత్రించుకోలేకపోతున్నానని మీరు అంటున్నారు. ఇది ఏమాత్రం సరికాదు. మీరు తప్పు చేయకూడదని మనస్సులో అనుకుంటే మిమ్మల్ని ఎవరూ తప్పు చేయించలేరు.

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top