బీట్‌రూట్‌ గర్భిణీలకు ఎంతో అవసరం!

గర్భిణీలు బీట్ రూట్ తింటే ఎంతో మంచిదని చెబుతున్నారు పోషకాహార నిపుణులు. అందులో ఉండే ఎన్నో మంచి గుణాలు గర్భంలో ఉన్న పాపాయికి కావాల్సిన పోషకాలను అందిస్తాయని తెలిపారు. గర్భిణీలు వారానికి రెండు సార్లయినా బీట్ రూట్ ను ఆహారంగా తీసుకుంటే మంచిది.

బీట్‌రూట్‌లో ఫోలిక్ యాసిడ్ పుష్కలంగా ఉంటుంది. ఇది పుట్టుకలో లోపాలను సరిచేస్తుంది. అంతేకాదు పాపాయి వెన్నెముుక నిర్మాణం అభివృద్ధి చెందేలా చేస్తుంది. టిష్యూ గ్రోత్ ను పెంచుతుంది. గర్భం ధరించే స్త్రీలలో వ్యాధినిరోధకత పెంచడానికి బీట్ రూట్ సహాయపడుతుంది. పలు ఇన్ఫెక్షన్‌ల బారిన పడకుండా కాపాడుతుంది. ఇందులో ఉండే యాంటీ ఆక్సిడెంట్స్ ఇన్ఫెక్షన్ లను తట్టుకునే శక్తిని గర్భిణికి ఇస్తాయి.

బీట్ రూట్లో ఐరన్ అధికంగా లభిస్తుంది. ఇది రక్తం ఉత్పత్తి అవడానికి, అలాగే రక్తంలో హిమోగ్లోబిన్ కౌంట్ ను పెంచడానికి దోహదపడుతుంది. అందుకే గర్భం ధరించాక బీట్ రూట్ కూర తినడం, జ్యూస్ తాగడం అలవాటుగా చేసుకోవాలి. ఈ ఎర్ర దుంపలో క్యాల్షియం, సిలికా అధికంగా లభిస్తాయి. ఇవి తినడం వల్ల కడుపులో పాపాయి ఎముకలు, దంతాలు నిర్మాణానికి సహాయపడుతుంది. అలాగే గర్భధారణ సమయంలో వచ్చే ఓస్టిరియో ఫోసిస్ ను తగ్గిస్తుంది. బీట్ రూట్ లో రక్తాన్ని శుద్ధి చేసే గుణాలు ఉన్నాయి. రక్తం శుద్ధి అవ్వడం వల్ల కడుపులో ఉన్న బేబీకి ఇన్ఫెక్షన్లు రావడం కూడా తగ్గుతుంది.

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top