ప్రెగ్నెన్సీ టెస్ట్.. అతడి ప్రాణం కాపాడింది!

గర్భం వచ్చిందో లేదో తెలుసుకోవడానికి ఉపయోగపడే ప్రెగ్నెన్సీ కిట్ కారణంగా ఓ యువకుడి ప్రాణం నిలిచింది. వినడానికి విడ్డూరంగా ఉన్నా.. ఇది నిజమే. బైరాన్ గ్లేడార్డ్ అనే 18 ఏళ్ల యువకుడికి మాజీ గర్ల్ ఫ్రెండ్ ప్రెగ్నెన్సీ టెస్ట్ కిట్ కనిపించింది. దీంతో ఏం జరుగుతుందో చూద్దామని సరదాగా దానిపై యూరిన్ పోశాడు. అంతే.. గర్భం దాల్చినప్పుడు మాత్రమే కనిపించే రెండు లైన్లు వచ్చాయి. ఈ విషయాన్ని సరదాగా తీసుకున్న అతడు నాకు ఇలా జరిగింది, నేను గర్భం దాల్చానంటా.. అని రెడిట్‌లో పోస్ట్ చేశాడు.

సదరు యువకుడు చేసిన పోస్ట్‌కు బదులిస్తూ.. ఒకరు సీరియస్ కామెంట్ పెట్టారు. ఎందుకైనా మంచిది వెంటనే వృషణాలకు సంబంధించిన క్యాన్సర్ పరీక్షలు చేసుకో, తేలిగ్గా తీసుకోకు అని హెచ్చరించారు. దీంతో అవాక్కైన అతడు క్యాన్సర్ పరీక్షలు చేయించుకోగా.. టెస్టిక్యూలర్ క్యాన్సర్ ఉన్నట్లు తేలింది. వెంటనే దానికి చికిత్స తీసుకున్నాడు. వ్యాధిని తొలి దశల్లోనే గుర్తించడంతో అతడి ప్రాణాలు దక్కాయి.

ఇంతకూ ప్రెగ్నెన్సీ టెస్టు కిట్ ద్వారా ఈ విషయం ఎలా తెలిసిందంటే.. మూత్రంలో హ్యూమన్ కోరినిక్ గోనడోట్రోఫిన్ లేదా హెచ్‌సీజీ అని పిలిచే హార్మోన్ ఆనవాళ్లు ఉంటే ప్రెగ్నెన్సీ టెస్టులో రెండు గీతలు కనిపిస్తాయి. మహిళ గర్భస్థ మావిలో ఉండే ఈ హార్మోన్‌ ద్వారా మహిళలు గర్భం దాల్చినట్లుగా భావిస్తారు. సాధారణంగా మగాళ్లలో ఈ హార్మోన్ జాడ ఉండదు. కానీ కొన్నిరకాల టెస్టిక్యూలర్ క్యాన్సర్ల బారిన పడిన వారిలో అరుదుగా ఈ హార్మోన్ కనిపిస్తుంటుంది. అందుకే ప్రెగ్నెన్సీ టెస్టులో మగాళ్లకు కూడా పాజిటివ్ అని వస్తే అది కచ్చితంగా వృషణాల క్యాన్సర్‌కి సంకేతమే.

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top