పవన్‌కి మహిళా నిర్మాత చేసిన ట్వీట్ వైరల్ అయింది

ఇటీవల పవర్ స్టార్ పవన్ కల్యాణ్ బర్త్ డే సందర్భంగా ఎంతోమంది సినీ ప్రముఖులు ఆయనకి బర్త్ డే విషెస్ చెబుతూ ట్వీట్స్ చేశారు. కానీ వాటన్నింటికన్నా ఎక్కువగా ఓ మహిళా నిర్మాత చేసిన ట్వీట్ ఇంటర్నెట్‌లో వైరల్‌గా మారింది. "ప్లీజ్ హెల్ప్ మీ పవన్ కల్యాణ్ గారూ" అంటూ పంజా సినిమా నిర్మాతల్లో ఒకరైన నీలిమ చేసిన ట్వీట్ పవన్ కల్యాణ్ అభిమానుల్లోనే కాదు.. టాలీవుడ్ వర్గాల్లోనూ టాక్ ఆఫ్ ది టౌన్ అయింది. ఇంతకీ ఆమె అలా ట్వీట్ చేయడానికి గల కారణం ఏంటంటూ సినీవర్గాలు, పవన్ ఫ్యాన్స్ ఆసక్తికరంగా చర్చించుకుంటున్నారు. చాలామంది అభిమానులు నీలిమకు ఏమైందోననే ఆందోళన వ్యక్తంచేయగా.. కొంతమంది యాంటీ ఫ్యాన్స్ మాత్రం పంజా సినిమా మిగిల్చిన నష్టాల నుంచి ఆమె ఇంకా తేరుకోనట్టుంది అని సెటైర్లేశారు.

పవన్ కల్యాణ్ బర్త్ డే రోజున శుభాకాంక్షలు చెప్పని ఆమె ఆ తర్వాత ఇలా ప్లీజ్ హెల్ప్ మీ అంటూ ట్వీట్ చేశారంటే ఏదో సమస్యల్లో వున్నట్టున్నారనే అభిప్రాయాలు కూడా వ్యక్తమయ్యాయి. ఇంకొంతమంది మాత్రం నేరుగా పవన్‌నే వెళ్లి కలవొచ్చు కదా అని సలహా ఇచ్చారు. పవన్ అభిమానుల ఆందోళన, ట్వీట్ వైరల్ అయిన నేపథ్యంలో తర్వాత ఆమె తన ట్వీట్‌ని డిలీట్ చేశారు.

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top