ఆ బాబా బయోపిక్.. వర్మ దర్శకత్వంలో?

వివాదస్పద రీతిలో వార్తల్లోకి వచ్చే వాళ్ల గురించి బయోపిక్స్ తీస్తానని ప్రకటించడం దర్శకుడు రామ్ గోపాల్ వర్మకు కొత్తేమీ కాదు. మొన్నా మధ్య శశికళ బయోపిక్ తీస్తానని ప్రకటించాడు. మరి ఆ ప్రాజెక్టు ఎంత వరకూ వచ్చిందో కానీ.. ఇప్పడు వర్మ డేరా బాబా గుర్మీత్ సింగ్ రామ్ రహీమ్ మీద పరిశోధన మొదలు పెట్టాడట. అతడి బయోపిక్ తీయడానికి ప్రయత్నాలు ఆరంభించాడట.. ప్రస్తుతం బాలీవుడ్ లో ఈ ప్రచారం జరుగుతోంది.

గుర్మీత్ రామ్ రహీమ్.. ఇప్పడు వార్తల్లోని వ్యక్తి. పదిహేనేళ్ల కిందటి అత్యాచారం కేసుల్లో ఆయనకు ఏకంగా ఇరవై సంవత్సరాల పాటు శిక్ష పడింది. ఈ నేపథ్యంలో గుర్మీత్ అనుచరులు సృష్టించిన అల్లర్లు దేశ వ్యాప్తంగా చర్చనీయాంశంగా నిలిచాయి. అలాగే గుర్మీత్ బాబా జీవనశైలి, అతడి ట్రస్టుకు ఉన్న ఆస్తులు, అతడి విలాసాలు.. వివాదాలు.. అన్నీ సంచలనం రేపుతున్నాయి. కేవలం ఇద్దరు మహిళలపై మాత్రమే గాక.. ఇంకా అనేక మందిపై గుర్మీత్ అత్యాచార కాండను కొనసాగించాడనే ప్రచారం ఉంది.

అతడి ఆశ్రమంలోని సాధ్వీల్లో ఏకంగా 80 శాతం మందిపై అతడు అత్యాచారం చేశాడని, అలాగే అనేక మంది పురుషుల వృష‌ణాలు తీసేయించి వారిని సంసారానికి పనికిరాకుండా చేశాడని.. కూడా వార్తలు వస్తున్నాయి. గుర్మీత్ అక్రమాలు ఇలా సంచలనం కలిగించేలా ఉన్నా, అతడిని నమ్మే వాళ్లు వీటిని విశ్వసించడం లేదు. అతడిని దేవుడిగా చూసే వాళ్లు పంజాబ్, హర్యానా రాష్ట్రాల్లో బోలెడంత మంది ఉన్నారు. మరి సినిమాగా తీయడానికి కావాల్సినంత మెటీరియల్ ఉంది.. గుర్మీత్ జీవితంలో.

అందుకే.. వర్మ ఇప్పుడు గుర్మీత్ కథపై పరిశోధన మొదలుపెట్టాడట. అతడి బయోపిక్ ను రూపొందించాలని అనుకుంటున్నాడట. అయితే దీనిపై వర్మ ఇంకా అధికారిక ప్రకటన ఏదీ చేయలేదు.

Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top