నాపై ఆ నిర్మాత రేప్ ఎటాక్ చేశాడు.. డ్రెస్ లాగే సరికి: ఫిదా గాయత్రి గుప్త

ఫిదా' సినిమాలో సాయిపల్లవికి స్నేహితురాలిగా నటించిన గాయత్రి తాను సినీ ఇండస్ట్రీలో ఎదుర్కొన్న లైంగిక వేధింపుల గురించి నోరు విప్పింది. హాలీవుడ్ నుంచి బాలీవుడ్ వరకేకాకుండా టాలీవుడ్‌లోనూ నిర్మాతలు హీరోయిన్లపై కన్నేస్తారని వారిని లైంగికంగా వేధింపులకు గురిచేస్తారనేందుకు గాయత్రీ పంచుకున్న అనుభవాలే నిదర్శనం. సినీ ఇండస్ట్రీలో అమ్మాయిలకు ఎదురైన పరిస్థితే తనకు ఎదురైందని తెలిపింది.

రెండేళ్ల క్రితం తాను ఓ సినిమా ఒప్పుకున్నానని.. భయం కొద్దీ తనను వాడుకునే ఆలోచనలుంటే ముందే చెప్పేయండి.. తాను చేయనని తెగేసి చెప్పేస్తానని తెలిపింది. అందుకు సదరు నిర్మాతలు అలాంటి ఆలోచనలు పెట్టుకోవద్దు.. తాము ప్రాస్టిట్యూషన్ నడపట్లేదు. ప్రాజెక్టు మాత్రమే చేయబోతున్నామని.. ఆరిస్టులను గౌరవిస్తామని చెప్పారు. దీంతో ఆ ప్రాజెక్టు చేసేందుకు తాను ఒప్పుకున్నానని గాయత్రీ వెల్లడించింది.

అయితే షూటింగ్ ప్రారంభం అయ్యాక దర్శకుడు, నిర్మాత మళ్లీ వేధింపులు మొదలెట్టారు. ముందే చెప్పానుగా తనకు ఇలాంటివి నచ్చవని అంటే కెరీర్ గుర్తు చేశారని తెలిపింది. తనకు అహంకారం వుందని.. ఇలాగైతే కెరీర్ కష్టమేనని దర్శకులు, నిర్మాత అంటే ఇది అహంకాదని, ఆత్మగౌరవమని చెప్పానంది. తన ఫోటో చూసి ఎందరో ఆఫర్స్ చేశారు. అంగీకరించి వుంటే ఈపాటకి కోట్లు సంపాదించేదానివని అన్నారు. ఒక రాత్రికి కోట్లిస్తామన్నా తాను ఒప్పుకోలేదు. డబ్బులు సంపాదించడం తన ఉద్దేశం కాదని ఖచ్చితంగా చెప్పేశాను.

కానీ ఓ రోజు ఆ చిత్ర నిర్మాత డ్రాప్ చేస్తానని చెప్పి కారులో ఎక్కించుకున్నారు. మధ్యలో కారు బ్రేక్ డౌన్ అయ్యిందని చెప్పి, కాసేపు రెస్ట్ తీసుకుందామని ఒక ప్లేస్‌కి తీసుకెళ్లాడు. అక్కడికెళ్లాక మళ్లీ లైంగికంగా వేధించారు. తన డ్రెస్‌ను లాగేస్తూ అత్యాచారయత్నానికి పాల్పడ్డారు. ఎలాగోలా తప్పించుకుని వచ్చేశానని గాయత్రి తెలిపింది.

అప్పటి నుంచి ఆ నిర్మాతకు తాను దూరంగా వున్నా.. తాను ఒప్పుకునే ప్రాజెక్టులన్నీ తప్పిస్తున్నాడని.. టాలీవుడ్‌లో ఆయనో బడా నిర్మాతేనని గాయత్రి తాజాగా ఇచ్చిన ఇంటర్వ్యూలో వెల్లడించింది. హీరోయిన్‌గా రావాలంటే "యు షుడ్ స్లీప్ విత్ మీ" అన్నారు. అంతే కోపంలో చెంపచెళ్లుమనిపించానని వెల్లడించింది. ఇలాంటి ఇబ్బందుల నుంచి గట్టెక్కాలంటే ఇతరులపై ఆధారపడక్కర్లేదని డిసైడ్ అయ్యానని తెలిపారు. వెంటనే తానే కొత్త ప్రాజెక్టు చేపట్టానని గాయత్రి తెలిపింది.


Comments 0

Write a comment ...

Note: Press Ctrl+g to change langaue between Telugu<=>English

Post comment
Cancel
There is no replies to this Topic, Please submit your comments.
Back to Top